තෙරපන සිතිවිලි දහසක් දෙහදක්
පවසන සැනසිලි රහසක් දවසක්
නොරඳන හසරැලි මුවඟක් උවනක්
නොගලන කඳුලැලි නයනක් නැත එක්
දවසක හමුවුන මා-ඔබ පෙර එක්
විරසක විලසින මාරුත දහසක්
සැපදුක නොදැනෙන මේ බව කතරක්
වදුලක හිනැහෙන - වා තව කැකුළක්
ලස්සන දෙව්දුනු රඳනා අහසක්
වස්සන සුදුහිම ඒ කඳු පෙදෙසක්
දස්සන සිතකට හෙලනා බැල්මක්
රුස්සන ලෙසඔබ ඇමතූ මොහොතක්
නොමදැක සිතිජය වෙන්වන පවුරක්
පලසක වැතිරුණ අප තණ බිස්සක්
යුගයක රසමුසු හැඟුමන් පොකුරක්
එකිනෙක වෙන්වුනු අප අද දෙදෙනෙක්
No comments:
Post a Comment